2012/12/08

Ez Kalimero, eta ez Superman

Izenburu bitxia du Josep J. Conill soziolinguistaren azken liburuak: Entre Calimero i Superman: Una política lingüística per al català. Pertsonaje horien atzean dauden bi jarrerak deskribatzen ditu, antza: Kalimeroren biktimismoa eta Supermanen triunfalismoa. Jarrera horien kritika erabiltzen du, hirugarren bide bat marrazteko.

Hogeita hamar urte bete berri dira Eusko Legebiltzarrean Euskararen Erabilera Normalizatzeko Legea onartu zutela. Horren aitzakian testu sorta interesgarria argitaratu du Berria egunkariak: http://www.berria.info/guregaiak/193/. Aukera ona da ikuspegi ezberdinak ikusteko.

Kalimero ala Superman? Ez dakit... Kalimerorengandik gertuxeago sentitzen naiz batzuetan, baina ez zeharo. Iruditzen zait inpotentziaren diskurtsoak ez duela gurean lekurik.

Ohartxo bat, amaitu aurretik:
Merezi du Josep J. Conill-en web orria bisitatzea, material interesgarriak ditu-eta. http://www.josepconill.cat/

2 comments:

allartean said...

Adibide txiki bat. Honako bi hauek Berria egunkaritik atera ditut:

(1)
Ia 200 enpresa ari dira euskara planak egiten, guztien %1 inguru.

(2)
Lan munduan bidea egin den arren, enpresen %1 inguruk soilik dituzte euskara planak.

Zein da zuentzat bietarik egokiena?

garaigoikoa said...

Nire ustez arazoa da %1 hori. Euskal Herrian (EAEn????) 20.000 enpresa daude estatistika horren arabera, eta horietatik 200 dute euskara plana. Bai, baina ...

- Tabernak, denda txikiak eta abar sartuta daude?

- Euskaraz funtzionatzen duten (kanpora begira bada ere) enpresa txiki askok ez du akaso euskara plana izateko beharrik. Konparagarria al da?

(Badakit ez dudala erantzun, baina honen moduko datuek sutan jartzen naute)